《孤獨的美食家》59歲松重豐　傳「腸胃好難過」恐停演 (附60歲保養腸胃3大法則)

日本最長壽嘅深夜劇《孤獨的美食家》，由2012年開播至今已經來到第10季，劇中演靈魂角色—飾演「井之頭五郎」嘅演員松重豐—響鏡頭前總係食得津津有味，令人觀眾感受到享受美食嘅幸福同感動。

不過最近就傳出59歲嘅松重豐疑似身體不佳，或無法繼續拍攝。有日本雜誌指，松重豐響拍《孤獨的美食家》時，成日講笑話：「拍依套戲每次都搞到胃腸好難過」、「真係就快頂唔住咁樣大飲大食」。

劇組亦透露松重豐開始食唔落，胃部消化功能下降，食慾愈來愈低。然而，飾演「井之頭五郎」一角最主要就係進食，如果松重豐真係食唔落，就可能無辦法再演井之頭五郎。據悉電視台正在思考未來路向，係停播定係換人演？如果係後者的話，好有可能係搵圈中出名嘅大胃王、60歲嘅演員川原和久。

一般來說，身體響60歲以後會有老化現象，腸胃平滑肌衰退、蠕動變慢，導致消化功能下降、脹氣、排便不順，甚至長期便秘，60歲以上人士，基本上每3個就有一個受便秘之苦，甚或演變成更嚴重疾病。如果想好好保養腸胃，就必須做到以下3大法則：

保養腸胃3大法則

1. 多飲水

水份可以令大腸入面嘅纖維膨脹，製造足夠大便之餘，亦可幫助軟便。建議每日至少吸收2000cc水分，如果擔心飲唔夠的話，可以用大容量水樽裝夠一日份量，每日飲完一樽水就代表飲夠水。又或設定鬧鐘，提醒自己每個鐘都飲一杯水，一日下來就可以飲夠份量。

2. 每餐一碟菜

每餐至少食一碟菜 (約100g)，可幫助排便。除了直接食用蔬菜外，亦可將蔬菜煮熟後打成泥狀或煮湯。

3. 避免刺激食物

高油、辛辣、煎炸、濃茶同埋煙酒都屬於刺激食物，會刺激胃及腸道黏膜，免疫力下降調，身體容易處於在發炎狀態。

相關閱讀： 中醫五色養生　五種顏色食物可調和身體內臟　青紅黃白黑=肝心脾肺腎 (附5個養生食譜)