【Now財經台】黑海軍事行動威脅小麥出口航線,加上內地大量採購,帶挈小麥期貨價格月初一度升至近3個月高位,但其後升勢無以為繼,最新回落至每蒲式耳612美仙水平,小麥期貨價格後市會點走?
信誠證券及期貨投資服務部董事蕭猷華指,全球唔少國家都有供應小麥,由於近期內地天氣不穩,導致本土供應不足,因此,向美國入口嘅小麥係4年以嚟最多,加上巴西小麥產量減少,美國農業部又下調全球小麥庫存預測,喺全球供應減少下,刺激小麥期貨價格由11月底540美仙樓下,一度升至今個月嘅640美仙高位。
不過,Tony估計,小麥期貨價格再升空間唔大,建議投資者留意守唔守得住600美仙,到時再考慮係咪再吸納都未遲。